Um 85% andvígir því að útlendingar kaupi íslenskar náttúruauðlindir

Tæplega 85% eru mjög andvígir eða frekar andvígir því að erlendir aðilar geti keypt íslenskar náttúruauðlindir, samkvæmt skoðanakönnun sem Capacent Gallup vann fyrir Teit Atlason guðfræðing og bloggara. Um 10,6% eru hvorki hlynntir né andvígir en 4,5% voru mjög eða frekar hlynntir.

Spurt var: Ertu hlynnt(ur) því eða andvíg(ur) að erlendir aðilar geti keypt íslenskar náttúruauðlindir. Í úrtaki voru 1200 manns úr viðhorfahópi Capacent Gallup og var svarhlutfall 65,9%.

Um fátt hefur verið rætt meira að undanförnu en kaup sænsk/kanadíska fyrirtækisins Magma Energy á hlut í HS orku.