Viðskipti innlent

Gjaldþrotum fyrirtækja hefur fjölgað um 12% í ár

Fyrstu 8 mánuði ársins 2010 er fjöldi gjaldþrota fyrirtækja 621 sem er tæplega 12% aukning frá sama tímabili árið 2009 þegar 555 fyrirtæki voru tekin til gjaldþrotaskipta.

Þettak kemur fram á vefsíðu Hagstofunnar. Þar segir að í ágúst 2010 voru 19 fyrirtæki tekin til gjaldþrotaskipta samanborið við 12 fyrirtæki í ágúst 2009. Eftir atvinnugreinum voru flest gjaldþrot í byggingarstarfsemi og mannvirkjagerð.

Í ágúst 2010 voru skráð 110 ný einkahlutafélög (ehf) samanborið við 181 einkahlutafélög í ágúst 2009, sem jafngildir rúmlega 39% fækkun milli ára.

Heildarfjöldi nýskráðra einkahlutafélaga er því 1.112 fyrstu 8 mánuði ársins og hefur nýskráningum fækkað um 35% frá sama tímabili árið 2009 þegar 1.711 ný einkahlutafélög voru skráð. Eftir atvinnugreinum voru flest einkahlutafélög skráð í heild- og smásöluverslun, viðgerðir á vélknúnum ökutækjum.







Mest lesið


Fleiri fréttir

Sjá meira


×

Mest lesið