Hagnaður TM dróst saman um 35%

Hagnaður TM af reglulegri starfsemi á fyrri helmingi ársins var 319 milljónir króna, samanborið við 491 milljón krona hagnað á sama tímabili í fyrra. Þetta kemur fram í fréttatilkynningu frá TM. Eigið fé fyrirtækisins nam 8357 milljónum króna og var eiginfjárhlutfall 26% þann 30 júní síðastliðinn.

Sigurður Viðarsson, forstjóri TM, segir í fréttatilkynningu að samdráttur á hagnaði um 35% á milli ára skýrist fyrst og fremst af lækkun fjárfestingatekna. Þær voru jákvæðar um 1057 milljónir króna á fyrri helmingi ársins en voru 2194 milljónir króna á sama tíma í fyrra.