ÍLS heldur vöxtum óbreyttum í kjölfar útboðs

Í tilkynningu segir að útlánavextir íbúðalána með uppgreiðsluákvæði verða áfram 4,5% en 5,0% á íbúðalán án uppgreiðsluákvæðis.

Vaxtaákvörðun Íbúðalánasjóðs byggist á ávöxtunarkröfu í útboði íbúðabréfa sem haldið var 15.mars 2010 ásamt vegnum fjármagnskostnaði uppgreiðslna ÍLS-veðbréfa.

Vegnir vextir í útboðinu og uppgreiddra ÍLS-bréfa eru 3,85% Vaxtaálag vegna rekstrar er 0,30%, vegna útlánaáhættu 0,35% og vegna uppgreiðsluáhættu 0,50%. Stjórn Íbúðalánasjóðs ákvarðar vexti ÍLS-veðbréfa m.a. með hliðsjón af fjármögnunarkostnaði í reglulegum útboðum íbúðabréfa.