Tæplega 170.000 starfandi á öðrum ársfjórðungi

Þetta kemur fram á vefsíðu Hagstofunnar. Þar segir að á vinnumarkaði voru alls 185.700 manns sem jafngildir 83,3% atvinnuþátttöku. Atvinnuþátttaka karla var 86,9% og kvenna 79,5%.

Til þeirra sem eru á vinnumarkaði teljast bæði þeir sem eru starfandi og atvinnulausir. Fólk telst vera starfandi ef það hefur unnið eina klukkustund eða meira í viðmiðunarviku könnunar eða verið fjarverandi frá starfi sem það gegnir að öllu jöfnu.

Á öðrum ársfjórðungi 2009 voru alls 184.200 á vinnumarkaði og atvinnuþátttaka mældist þá 81,9%. Atvinnuþátttaka karla var 86,3% og kvenna 77,2%.

Á öðrum ársfjórðungi 2010 var meðalfjöldi vinnustunda 40,2 klst. hjá þeim sem voru við vinnu í viðmiðunarvikunni, 44,3 klst. hjá körlum en 35,5 klst. hjá konum. Meðalfjöldi vinnustunda hjá þeim sem voru í fullu starfi var 44,6 klst. en 24,6 klst. hjá þeim sem voru í hlutastarfi.

Á öðrum ársfjórðungi 2009 var meðalfjöldi vinnustunda 40 klst., 43,9 klst. hjá körlum en 35,4 klst. hjá konum. Þeir sem voru í fullu starfi unnu 44,5 klst. að jafnaði en þeir sem voru í hlutastarfi unnu að jafnaði 23,9 klst.