Efnahagsbatinn hafinn

Visbendingar eru um að botn efnahagssamdráttarins sé að baki. Sé efnahagsbati hafinn eða við það að hefjast er það nokkru fyrr en Seðlabankinn spáði í Peningamálum í maí.

Seðlabankinn segir í Peningamálum, sem komu út í dag, að vöxtur innflutnings á fjárfestingavörum á fyrri hluta þessa árs gefi tilefni til að ætla að atvinnuvegafjárfesting hafi verið sterkari en áður var talið, þrátt fyrir enn frekari tafir á áætlunum um fjárfestingu tengdri stóriðjuframkvædum.

Seðlabankinn segir að það séu einkum vísbendingar af vinnumarkaði sem styðji þá skoðun að efnahagsbatinn sé kröftugri og fyrr á ferðinni, en aðrar visbendingar eins og veltutölur gefi tilefni til varkárni.