Viðskipti innlent

Hilmar Veigar Pétursson kjörinn formaður SUT

Á myndinni má stjórn SUT ásamt Orra Haukssyni, framkvæmdastjóra SI og Haraldi D. Nelson, forstöðumann upplýsingatækni hjá SI. Á myndina vantar Jón Kristjánsson.
Á myndinni má stjórn SUT ásamt Orra Haukssyni, framkvæmdastjóra SI og Haraldi D. Nelson, forstöðumann upplýsingatækni hjá SI. Á myndina vantar Jón Kristjánsson.

Hilmar Veigar Pétursson, framkvæmdastjóri CCP, var kjörinn formaður Samtaka upplýsingatæknifyrirtækja - SUT - á aðalfundi í morgun. Hilmar Veigar var sitjandi formaður en hann tók við formennsku í febrúar af þáverandi formanni, Þórólfi Árnasyni.

Í tilkynningu frá Samtökum Iðnaðarins segir að nýr stjórnarmaður, Jón Kristjánsson, hafi verið kjörinn til tveggja ára og þá voru þau Daði Friðriksson og Sigrún Eva Ármannsdóttir endurkjörin til næstu tveggja ára. „Jón Ingi Björnsson var kjörinn til stjórnarsetu til eins árs en hann sat áður í stjórninni. Fyrir sitja í stjórninni þeir Stefán Jóhannsson og Guðmar Guðmundsson en þeir voru kjörnir í fyrra til tveggja ára," segir ennfremur.

Samtök upplýsingatæknifyrirtækja eru starfrækt undir Samtökum iðnaðarins en innan SUT eru á sjötta tug fyrirtækja í upplýsingatækniiðnaði með á annað þúsund starfsmönnum.







Mest lesið


Fleiri fréttir

Sjá meira


×

Mest lesið