HB Grandi greiðir rúmlega 200 milljónir í arð

Þetta kemur fram í tilkynningu til Kauphallarinnar. Þar segir að arðurinn verði greiddur 7. maí 2010. Síðasti viðskiptadagur þar sem arður fylgir bréfunum er 23. apríl 2010 og arðleysisdagur því 26. apríl 2010. Arðsréttindadagur er 28. apríl 2010.

Á fundinum var samþykkt að þóknun til stjórnarmanna fyrir liðið ár næmi 800.000 kr. Formaður taki þrefaldan hlut eða 2,4 milljónir kr.

Þá var samþykkt illaga um að stjórn fái heimild til kaupa á eigin hlutum. Hún hljóðar svo: "Aðalfundur veitir stjórn félagsins heimild til að kaupa eigin hluti í félaginu. Heimild þessi stendur í 18 mánuði og takmarkast við að samanlögð kaup fari ekki yfir 10% af heildar¬hlutafé félagsins á hverjum tíma.

Kaupverð hluta skal vera hæst 15% yfir síðasta þekktu söluverði á First North markaðinum áður en kaup eru gerð."

Á fundinum voru eftirtaldir aðilar kjörnir í stjórn félagsins: Aðalmenn: Árni Vilhjálmsson, Halldór Teitsson, Hjörleifur Jakobsson, Kristján Loftsson, og Sveinn Gíslason. Varamaður: Hanna Ásgeirsdóttir.