Gjaldskrárhækkun skilar 4 milljörðum

Stjórn Orkuveitu Reykjavíkur samþykkti á fundi sínum í dag fjölþættar ráðstafanir sem ætlað er að styrkja rekstur fyrirtækisins. Í Fjárhagsáætlun fyrir árin 2012 til 216 segir að gera eigi fyrirtækinu mögulegt að standa við skuldbendingar gagnvart lánadrottnum og tryggja jafnframt áframhaldandi trausta og góða þjónustu við viðskipta vini.

Þá er ekki gert ráð fyrir frekari virkjanaframkvæmdum en nú standa yfir í fimm ára áætluninni. Áætlunin nær frá árinu 2012 til 2016.

Orkuveitan mun hækka gjaldskrár sínar, hagræða í rekstri og selja eignir sem ekki tengjast kjarnastarfsemi.

Áætlað að gjaldskrárhækkunin skili fjórum milljörðum króna árlega og að hagræðingaraðgerðir tveimur milljörðum króna á ári.

Meðal hagræðingaraðgerða sem verður gripið til á árinu 2011 eru:

• lækkun styrkveitinga, þ.m.t. til samfélagsstyrkja og Umhverfis- og orkurannsóknarsjóðs. Gert er ráð fyrir að engir nýir styrkir verði veittir en staðið verður við þegar gerða samninga.
• engin útgjöld verða vegna gestamóttöku á Hellisheiði
• hagræðing í rekstri bílamála
• lækkun ráðgjafa- og verktakakostnaðar