Lýst eftir kröfum í Byr sparisjóð

„Hér með er skorað á alla þá sem telja til hvers kyns skulda eða annarra réttinda á hendur Byr sparisjóði eða eigna í umráðum sparisjóðsins að lýsa kröfum sínum skriflega fyrir slitastjórn innan þriggja mánaða frá birtingu þessarar innköllunnar í Lögbirtingarblaði," segir í auglýsingunni.

Ennfremur kemur fram að boðað er til kröfuhafafundar sem haldinn verður 17. nóvember n.k. á Hótel Grand.

Eins og fram hefur komið í fréttum skipaði Fjármálaeftirlitið bráðabirgðastjórn yfir Byr sparisjóði í apríl s.l. Störfum þeirrar stjórnar lauk í upphafi júlí og þá skipaði héraðsdómur Reykjavíkur slitastjórn yfir sparisjóðnum.