Ýta af stað keðjuverkun verðhækkana

Sigurður Bessason, formaður Eflingar, segir að boðaðar hækkanir Orkuveitu Reykjavíkur muni ýta af stað keðjuverkun verðhækkana sem á endanum muni lenda á almenningi í landinu.

Orkuveitan hefur boðað allt að 40 prósent hækkun á gjaldskrá um næstu mánaðamót. Ákvörðunin hefur verið harðlega gagnrýnd en hækkunin hefur áhrif á á vísitölu neysluverðs og hækka lán landsmanna um fimm milljarða vegna þess.

Sigurður Bessason, formaður Eflingar, segir að þetta muni ýta af stað keðjuverkun verðhækkana sem á endanum lenda á almenningi.

„Klárlega fer hluti af reikningnum beint á heimiln en gleymum því ekki að það sem er sent á sveitarfélagið í formi hækkana í skólakerfinu það er inni í skólum, hitaveita og raforka. Þar eru sveitarfélögin að berjast við að ná tökum á sínum málum. Það er líka í umhverfi ríkisins og þar sem þessar viðbótatölur koma inn. Það verður ekki leyst á annan máta heldur að senda reikninginn eitthvert annað og í flestum tilvikum lendir það á almenningi," segir Sigurður.

Hann segist ekki geta sagt til um hvernig þetta kemur til mað að hafa á komandi kjaraviðræður. „Ég held að þetta hafi verið ákaflega óheppilegt innlegg í þau mál."