Viðskipti innlent

Kostnaður við gjaldeyrishöftin 24 milljónir í fyrra

Kostnaður Seðlabankans við að viðhalda gjaldeyrishöftunum á síðasta ári nemur tæpum 24 milljónum kr. Þar af voru laun og launtegnd gjöld rúmlega 10 milljónir kr.

Þetta kemur fram í svari Gylfa Magnússonar efnahags- og viðskiptaráðherra við fyrirspurn á Alþingi frá Erlu Ósk Ásgeirsdóttur þingmanni Sjálfstæðisflokksins.

Fyrirspurnin hljóðaði svo: „Hver var kostnaður Seðlabanka Íslands árið 2009 við að viðhalda gjaldeyrishöftunum?"

Í svarinu, sem byggir á upplýsingum frá Seðlabankanum, kemur fram að auk launakostnaðarins nam aðkeypt vinna 4,7 milljónum kr. og annar kostnaður, það er hlutdeild í rekstri bankans, nam tæpum 9 milljónum kr.





Mest lesið


Fleiri fréttir

Sjá meira


×

Mest lesið