Greining: Skuldabréfaútgáfa Landsvirkjunar jákvæð

Greining Íslandsbanka segir að þrátt fyrir hátt álag ofan á ríkistryggð bandarísk skuldabréf hljóti nýleg skuldabréfaútgáfa Landsvirkjunar að teljast jákvæð tíðindi, bæði gagnvart fyrirtækinu sjálfu og öðrum íslenskum aðilum sem hyggist sækja lánsfé á erlenda markaði þegar frammí sæki.

Landsvirkjun tilkynnti á föstudag um útgáfu fimm ára skuldabréfs að fjárhæð 100 milljónir Bandaríkjadollara. Beri bréfið 6,5% fasta vexti og kaupendur eru erlendir fjárfestar. Greining Íslandsbanka segir að vextir á fimm ára bandarískum ríkisskuldabréfum séu nú rétt innan við 1,5%, og er því vaxtaálag á útgáfu Landsvirkjunar u.þ.b. 500 punktar. Það sé vissulega hátt álag, en á móti komi að grunnvextirnir séu afar lágir miðað við síðustu ár, og því ekki um eins óhagstæða fjármögnun að ræða og ætla mætti af álaginu einu og sér. Útgáfan bæti talsvert lausafjárstöðu Landsvirkjunar