Kreditkortaveltan jókst um 8,3% á fyrri helming ársins

Þetta kemur fram í Hagvísum Hagstofunnar. Þar segir að samtals jókst greiðslukortavelta heimila í janúar-júní 2010 um 6,4%. Greiðslukortavelta Íslendinga erlendis jókst um 19,5% en erlend greiðslukortavelta hérlendis dróst saman um 15,9% í janúar- júní 2010 miðað við sömu mánuði 2009.

Vísitala neysluverðs án húsnæðis hækkaði um 10,4% (miðað við meðaltal vísitölunnar í janúar-júní) sem veldur 3,6% raunlækkun á innlendri greiðslukortaveltu.

Nýskráningar bíla í janúar-júlí voru 2.684 sem er 25,9% aukning frá janúar-júlí í fyrra. Síðastliðna 12 mánuði, til loka júlí, voru nýskráningar bíla 3.382 en það er 14,4% fækkun frá fyrra tólf mánaða tímabili.