Nýherji skilar 169 milljónum í rekstrarhagnað

Nýherji skilar 169 milljónum króna í rekstrarhagnað fyrir afskriftir á þriðja ársfjórðungi samkvæmt tilkynningu frá fyrirtækinu.

Þar kemur fram að heildarhagnaður hafi verið 132 milljónir á fyrstu níu mánuðum ársins en heildartapið nam 178 milljónum á sama tímabili í fyrra.

Þá jók Nýherji hlutafé sitt um 840 milljónir króna að markaðsvirði í ár.

Nýherji lauk samningum við viðskiptabanka félagsins um endurskipulagningu langtímalána. Svo kemur fram í tilkynningunni að fasteign Nýherja verður seld á 1650 milljónir samhliða sem fyrirtækið gerir leigusamning til 15 ára.

Áætlað er að vaxtaberandi skuldir félagsins lækki um 2,6 milljarða samkvæmt tilkynningunni.