Hafnarfjörður gerir upp við bæverskan banka

Bæjarstjórn Hafnarfjarðar hefur samþykkt að taka 400 milljón króna lán hjá Lánasjóði sveitarfélaga. Lánið á að nota til að greiða upp erlent lán frá Bayerische Landesbank upp á 4,5 milljónir evra eða 700 milljónir.

Í fundargerð bæjarráðs Hafnarfjarðar kemur fram að Hafnarfjarðarhöfn hafi tekið lánið á sínum tíma til að fjármagna hafnarframkvæmdir. Bayerische Landesbank er stór banki í Bæjaralandi í Þýskalandi.

Það lán á nú að greiða inn á.

Fulltrúar Sjálfstæðisflokksins í bæjarráði lögðu fram á sama fundi fyrirspurn um væntanlegan niðurskurð í tengslum við fjárhagsáætlun bæjarins: „Óskað er eftir skriflegum svörum um hversu mikla fjármuni þarf að skera niður í fjárhagsáætlun bæjarins 2011 til þess að endar nái saman," segir í fyrirspurn Sjálfstæðismanna.

Skriflegt svar á að liggja fyrir næst þegar bæjarráð kemur saman.