Icelandair með í samnorrænu ferðamálaátaki

Icelandair er hluti af samnorrænum ferðamálaátaki sem gengur undir nafninu Faces of Scandinaiva. Átakið er byggt í kringum vefsíðu þar sem þekktir ríkisborgarar á Norðurlöndunum segja frá ferðareynslu sinni.

Fjallað er um málið á börsen.dk. Þar segir að þeir sem standi að þessu átaki séu Visitsweden, Visitdenmark, Innovation Norway og Guidepal auk Icelandair.

Ferðamálaátakinu er beint að Bandaríkjamönnum og hönnuður þess er auglýsingastofan Whispr. Fram kemur á börsen að meðal Dana sem segi frá ferðareynslu sinni megi nefna Ole Henriksen, The Raveonettes og Morten Andersen en sá síðarnefndi hefur átt góðan feril í bandarískum ruðningi.