Sumardofinn með mesta móti í Kauphöllinni

Í rúman hálfan mánuð hafa engin viðskipti verið með helming þeirra félaga sem úrvalsvísitalan er sett saman af í Kauphöllini.

Engin viðskipti hafa verið með Atlantic Petroleum og Eik Bank síðan 2. júlí og engin viðskipti með Icelandair síða 29. júní.

Þetta kemur fram í Markaðsfréttum Íslenskra verðbréfa. Þar segir að gengi úrvalsvísivísitölunnar var nær óbreytt í síðustu viku sem endurspeglar mjög tíðindalitla viku á innlenda hlutabréfamarkaðinum.

Engin viðskipti voru með félög í vísitölunni á þriðjudaginn þrátt fyrir að markaðurinn hafi verið opinn og ekki nema ellefu viðskipti í það heila alla vikuna.