Ólafur Ragnar Grímsson, forseti Íslands, segir í viðtali við fjármálaritið The Banker að Íslendingar þurfi ekki á erlendri fjárfestingu að halda. Of mikið innstreymi erlends fjármagns hafi einkennt efnahagslífið á Íslandi fyrir bankahrun og orðið til þess að hagkerfið ofhitnaði og hrundi.
Forsetinn gagnrýnir ennfremur framkomu breskra og hollenskra stjórnvalda gagnvart Íslandi í Icesave málinu en lofar hins vegar Kínverja fyrir að hafa komið Íslendingum til hjálpar meðal annars með gjaldmiðlaskiptasamningi.
