Eignir og eigið fé tryggingarfélaganna lækka

Heildareignir tryggingarfélaganna námu 135 milljörðum kr. í lok júlí og lækkuðu um 1,9 milljarð kr. á milli mánaða. Eigið fé lækkaði um rúmlega 1 milljarð kr. og nam 53,6 miljörðum kr. í lok júlí.

Þetta kemur fram í hagtölum Seðlabankans. Þar segir að útlán og markaðsverðbréf námu 82,8 milljarða kr. og hækkuðu um 1,7 milljarð kr. sem skýrist að mestu af 1,6 milljarðs kr. hækkun á verðtryggðum markaðsskuldabréfum, 1,0 milljarðs kr. hækkun á hlutdeildarskírteinum og 1,2 milljarðs kr. lækkun á öðrum útlánum.

Handbært fé lækkaði um 2,6 milljarða kr. og nam 11 milljörðum kr. í lok júlí. Skuldir tryggingarfélaganna námu 81,4 milljörðum kr. og lækkuðu um 889 milljónir kr. á milli mánaða.