Viðskipti innlent

Arion banki segist ekki í hættu vegna gengisdóms

Arion banki hefur metið dómsniðurstöðu Hæstaréttar vegna gengistryggðra bílalána og möguleg áhrif á eigið fé bankans. Kæmi til þess að íbúðalán bankans verði dæmd ólögmæt hefði það neikvæð áhrif á eigið fé bankans en ekki að því marki að það stefni efnahag bankans í hættu.

Þetta kemur fram í tilkynningu frá bankanum. Í henni segir einnig að í þessu sambandi má nefna að verði öll lán í erlendum myntum til einstaklinga dæmd ólögleg, þá lækkar nafnvirði lánanna verulega. Áhrifin á Arion banka yrðu ekki meiri en svo að bankinn stæðist áfram lögbundnar kröfur um eigið fé.

Eiginfjárhlutfall bankans er sterkt og yfir ítrustu kröfum Fjármálaeftirlitsins. Arion banki tekur fram að fái greiðendur erlendra lána sér dæmdan betri rétt í Hæstarétti, missa þeir ekki þann rétt þó þeir hafi skuldbreytt lánum sínum yfir í íslenskar krónur.







Mest lesið


Fleiri fréttir

Sjá meira


×

Mest lesið