GBI vísitalan hækkaði um 1,81% í maí

GAMMA: GBI vísitalan hækkaði um 1,81% í maí. Þriðja mánuðinn í röð er betri ávöxtun af óverðtryggðu og hækkaði GAMMAxi: Óverðtryggt um 2,28% en GAMMAi: Verðtryggt hækkaði um 1,60%.

Þetta kemur fram í mánaðarlegu yfirliti um þróun skuldabréfamarkaðarins frá fjármálafyrirtækinu GAM Management.

Þar segir að óverðtryggð bréf hafa nú skilað 10,74% ávöxtun á árinu á móti 5,68% ávöxtun verðtryggðra bréfa.

Töluverð útgáfa óverðtryggðra bréfa varð í mánuðinum , 10,5 milljarðar kr. í RB11 og 11,1 milljarðar kr. í RB19, en einungis 3,6 milljarða kr. útgáfa í verðtryggðu RIKS 21.

Hlutfall óverðtryggðra bréfa af heildarstærð skuldabréfamarkaðarins hefur náð sögulegu hámarki í 31%.

Heildarmarkaðsverðmæti skuldabréfa í GAMMA: GBI jókst um 45 milljarða kr. í maí og er nú 1.253 milljarðar kr.