OECD: Ísland fær mest út úr útgjöldum til heilbrigðismála

Í umfjöllun um málið á Reuters segir að skýrslan byggi á upplýsingum frá 29 þjóðum en þar kemur fram að snörp aukning hefur orðið á útgjöldum til heilbrigðismála frá því snemma á síðasta áratug síðustu aldar. Raunaukningin frá þeim tíma nemi 70%. Í núverandi kreppu eru útgjöld til heilbrigðismála þau sem líklega þarf að skera niður.

Þau lönd sem fá mest út úr sínum útgjöldum eru Ástralía, Japan, Suður-Kórea og Sviss auk Íslands. Á hinn bóginn hafa þjóðir á borð við Danmörku, Grikkland, Ungverjaland, Slóvakía og Bandaríkin mestu möguleikana á að auka heilbrigðisþjónustu sína án aukins tilkostnaðar.

OECD segir að reikna megi með að óbreyttu að útgjöld til heilbrigðismála muni aukast um 3,5% til 6% af landsframleiðslu aðildarþjóða samtakanna fram til ársins 2050. Þetta stafar einkum af hækkandi meðalaldri íbúanna sem og auknum kostnaði við læknisþjónustu og þróunar nýrrar tækni til lækninga.