IFS telur að verðbólga lækki í 3,1%

Vísitala neysluverðs hækkar um 0,5% í október samkvæmt spá IFS greiningar. Gangi spáin eftir mun 12 mánaða verðbólga mælast 3,1%.

Hagstofan mælir vísitölu neysluverðs í þessari viku, mánudag fram á föstudag, en niðurstöðurnar verða birtar þriðjudaginn 27. október 2010. Í október í fyrra hækkaði neysluverðsvísitala um 1,14% eða um 14,6% á ársgrundvelli.

Eins og sagt var frá á Vísi fyrr í morgun gerir Greining Íslandsbanka ráð fyrir 0,4% hækkun neysluverðsvísitölunnar. Gangi sú spá eftir mun verðbólga hjaðna úr 3,7% í 3,0%.

Ef spár IFS eða Greiningar ganga eftir verður verðbólga hér á landi hin minnsta sem hún hefur verið frá 2005.