Saka Hannes um að hafa haft áhrif á lánveitingar

Slitastjórn Glitnis telur að gögn sem hún fékk nýlega í hendur sanni að Hannes Smárason hafi haft áhrif á lánveitingar bankans. Hann hafi harðneitað því en slitastjórnin telur að gögnin sýni að þar fari hann með ósannindi.

Slitastjórnin Glitnis fékk aðgang í byrjun október að nýjum gögnum um kaup FL Group á hlutabréfum í Tryggingamiðstöðinni. Lögmenn slitastjórnarinnar fara fram á að fá að leggja gögnin fram því þau sýni að Hannes Smárason, fyrrverandi stjórnarformaður FL Group hafi sagt ósatt í yfirlýsingum sínum. Hann hafi haldið því fram að hann hafi ekki haft nein áhrif á lánveitingar bankans.

Gögnin snúa að kaupum FL Group á hlut Hnotskurnar ehf í Tryggingamiðstöðinni sem fóru fram árið 2007. Í minnisblaði, sem Hannes skrifar undir, um kaupin kemur fram að FL Group tryggi að Hnotskurn geti fjármagnað sig á sambærilegum kjörum og væru fyrir kaupunum í FL Group.

FL group muni hlutast til um að Glitnir klári samkomulag við Hnotskurn um losun á 250 milljónum daginn eftir. Lögmaður slitastjórnar Glitis segir, að samkomulagið sýni, að Hannes hafi haft nægileg völd í Glitni til að tryggja að Glitnir lánaði umtalsvert fé til Hnotskurnar.

Að auki sýni gögnin fram á að Jón hafi verið viðstaddur stjórnarfundi FL Group þar sem TM viðskiptin voru rædd og hafi spilað stórt hlutverk í að þau urðu að veruleika.