Pakkatilboðin afar ógagnsæ

Gísli Tryggvason, talsmaður neytenda, fagnar samanburði Póst- og fjarskiptastofnunar á kostnaði við síma- og netþjónustu, og átelur fjarskiptafyrirtækin fyrir ógagnsæjar gjaldskrár sem almennt sé erfitt fyrir neytendur að bera saman.

Fjallað var um samanburðinn í Fréttablaðinu í gær, en gagnrýnt hefur verið að hann taki ekki tillit til pakkatilboða sem fyrirtækin bjóða.

Gísli segir neytendur eiga rétt á upplýsingum sem geri þeim kleift að bera verðskrárnar saman. Heppilegra sé fyrir alla að fjarskiptafyrirtækin auðveldi samanburð svo ekki þurfi að breyta lögum til að auka gagnsæi í gjaldskrám.

- bj