Ríkisskattstjóri íhugar málsókn gegn einni af skilanefndum bankanna

Ríkisskattstjóri íhugar nú að stefna einni skilanefndinni fyrir að hafa ekki látið þær upplýsingar af hendi sem embættið hefur óskað eftir. Skúli Eggert Þórðarson, Ríkisskattstjóri, vill ekki gefa upp hvaða skilanefnd er um að ræða.

Ríkisskattstjóri hefur óskað eftir upplýsingum um lánakjör starfsmanna frá öllum bönkunum, bæði þeim gömlu og nýju. Óvenju hagstæð lánakjör eða niðurfelling lána getur skapað skattskyldu og því vill embættið nálgast þessar upplýsingar.