Björk hagnast á nýjum samningi við MySpace Music

Í frétt um málið á Timesonline segir að auk Bjarkar muni tónlistarmenn á borð við Arctic Monkeys og Basement Jaxx njóta góðs af hinu nýja samkomulagi sem gerir þeim kleyft að selja tónlist sína á MySpace Music.

MySpace Music er m.a. eign fjögurra af stærstu tónlistarframleiðendum heimsins. Þegar netsíðan fór í loftið í Bandaríkjunum fyrir ári síðan kom fram hörð gagnrýni frá minni framleiðendum sem tölu sig ekki sitja við sama borð og þeir stóru þegar kom að greiðslum fyrir tónlistarniðurhalið af síðunni.

Eigendur MySpace Music eru, auk News Corporation, Sony, EMI, Universal og Warner. Þeir fá greiðslur fyrir notkun tónlistar á þeirra vegum á vefsíðunni. Með hinu nýja samkomulagi munu litlu sjálfstæðu tónlistarframleiðendurnar sitja við sama borð og hinu stóru þegar kemur að þessum greiðslum.