Þjálfari dæmdur í bann fyrir að falsa kennitölur

Eva María Grétarsdóttir, þjálfari Fjölnis í minnibolta kvenna 10 ára og yngri, hefur verið dæmd í fjögurra leikja bann af aganefnd KKÍ fyrir að falsa kennitölur þriggja leikmanna á leikskýrslur.

Þrír af leikmönnum Fjölnisliðsins voru of gamlir til að taka þátt í mótinu. Stúlkurnar voru sagðar fæddar árið 1998, en hið rétta var að þær voru fæddar 1997.

Fyrir vikið telst lið Fjölnis hafa tapað leikjum sínum gegn Keflavík, Njarðvík og KR sem fram fóru á fjölliðamóti í minniboltanum sem fram fór í lok febrúar.