Viðskipti innlent

Landsbankinn tekur yfir hlut Magnúsar Ármanns í Byr

Magnús Ármann
Magnús Ármann

Landsbankinn er orðinn stærsti hluthafinn í Byr með rétt rúmlega 7,5% hlut samkvæmt nýjum hluthafalista sjóðsins sem birtur var á miðvikudag. Landsbankinn hefur tekið yfir hlut Imons, félags athafnamannsins Magnúsar Ármanns, vegna skulda.

Í kvöldfréttum Stöðvar 2 þann 21. nóvember síðastliðinn var greint frá því að þessi möguleiki gæti komið upp vegna milljarða kaupa Imons á bréfum í Landsbankanum rétt fyrir hrun bankanna í október á síðasta ári.  

Imon keypti 4,05 prósenta hlut í Landsbankanum skömmu áður en bankarnir hrundu síðastliðið haust fyrir átta milljarða sem gufuðu upp. Þau viðskipti eru til skoðunar hjá Fjármálaeftirlitinu.

Magnús átti jafnframt þriðjungshlut í Materia Invest sem var í hópi stærstu hluthafa FL Group. Sá hlutur er einskis virði í dag þar sem félagið leitar nú nauðasamninga við kröfuhafa til að forðast gjaldþrot.

Magnús fékk rúman milljarð í arð frá Byr í umdeildri 13,5 milljarða arðgreiðsluúthlutun sjóðsins vorið 2008.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið