Forystuliðið í vanda á Spa brautinni

Þjóðverjinn NIck Heidfeld var fljótastur ökumanna á lokaæfingu keppnisliða á Spa brautinni í morgun. BMW liðið hefur verið í slæmum málum á árinu en nú virðist loks vera rofa til hjá ökumönnum liðsins, en Robert Kubica varð sjtötti.

Jarno Trulli á Toyota, Adrian Sutil á Force India og nýliðinn Romain Grosjean á Renault komu næstir. Groesjean byrjaði að keyra í síðustu keppni og virðist í fantaformi. Liðsfélagi hans Fernando Alonso náði aðeins sautjánda besta tíma.

Margra augu beinast að staðgengli Felipe Massa, en hann varð átjándi á æfingunni, en Kimi Raikkönen ellefti.

Forystuliðið í stitgamótinu og ökumenn þess, þeir Jenson Button og Rubens Barrichello voru í vanda, því Button varð tíundi og Barrichello sextándi.

Mark Webber sem er í titilslagnum komst ekki hring vegna bilunnar og Sebastian Vettel varð fjórtándi.

Bein útsending frá tímatökunni á Spa er kl. 11.45 á Stöð 2 Sport.

Sjá brautarlýsingu og brautartíma