Titan Global sækir um lóð undir gagnaver á Grundartanga

Á fundinum var Gísla Gíslasyni hafnarstjóra falið að taka upp viðræður við Titan Global um málið. Gísli segir að Faxaflóahafnir hafi nægt landsvæði við Grundartanga undir gagnaverið en um sé að ræða lóð af stærðinni 50.000 til 100.000 fm.

Jónas Tryggvason framkvæmdastjóri Titan Global segir að tvær meginástæður liggi að baki áhuga félagsins á lóð við Grundartanga. Önnur þeirra sé að öflugt spennivirki er þegar til staðar á svæðinu og hin er sú að tiltölulega stutt er á þann vinnumarkað sem þjóna myndi gagnaverðinu, það er Stór-Reykjavíkursvæðið.

Eins og áður hefur komið fram ætlar Titan Global að sjá um söluferlið og byggingu gagnaversins en ætlunin er að fá einhvern af risunum á þessu sviði til að kaupa og reka sjálft verið.

„Við erum núna að vinna að fjármögnun á okkar hluta af verkinu og höfum þegar átt nokkuð öflugar viðræður við áhugasama aðila um fjármögnunina," segir Jónas.