Pierce upp fyrir höfðingjann

Paul Pierce náði merkum áfanga í nótt þegar hann skoraði 16 stig fyrir Boston í tapi liðsins gegn Orlando í NBA deildinni.

Pierce varð þriðji stigahæsti leikmaður í sögu Boston þegar hann setti niður tvö víti í fjórða leikhlutanum. Hann tók fram úr "Höfðingjanum" Robert Parish sem skoraði 18,245 stig fyrir Boston á sínum tíma, en Pierce er nú kominn með 18,248 stig.

Aðeins John Havlicek og Larry Bird hafa skorað fleiri stig en Pierce í sögu þessa sigursælasta félags NBA deildarinnar og því er Pierce kominn í sannkallaðan úrvalshóp.

Pierce varð NBA meistari með Boston í fyrsta sinn á ferlinum síðasta sumar, en ef það hefði ekki tekist, væri hann eini leikmaðurinn á lista tíu stigahæstu leikmanna í sögu Boston sem ekki hefði unnið titil með liðinu.

Boston vann sautjánda meistaratitilinn í sögu félagsins í fyrra.

Stigahæstu leikmenn í sögu Boston Celtics:

1.  John Havlicek - 26,395 stig

2.   Larry Bird - 21,791

3.   Paul Pierce - 18,248

4.   Robert Parish - 18,245

5.   Kevin McHale - 17,335

6.   Bob Cousy - 16,955

7.   Sam Jones - 15,411

8.   Paul Pierce -15,375

9.   Bill Russell -14,522

10. Dave Cowens - 13,192