Viðskipti innlent

Össur með viðskiptavakt hjá Nýja Kaupþingi og Saga Capital

Össur hf. hefur gert nýjan samning við Nýja Kaupþing Banka hf. um viðskiptavakt á hlutabréfum félagsins. Í tilkynningu segir að um sé að ræða endurnýjun á fyrri samningi frá febrúar 2005. Þessi samningur er einungis vegna skráningar félagsins á Íslandi. Össur hefur einnig samið við Saga Capital um viðskiptavakt.

Samkvæmt samningnum munu Nýja Kaupþing og Saga Capital sjá um markaðsvakt á bréfum félagsins í kauphöllinni. Nýja Kaupþing mun setja fram kaup- og sölutilboð alla viðskiptadaga í kauphallarinnar.

Upphæð hvers tilboðs skal að lágmarki vera 20.000 hlutir á gengi sem Nýja Kaupþing/Saga Capital ákveður í hvert skipti. Hámarksmunur milli kaup- og söluverðs má ekki fara yfir 2,0% og breyting frá síðasta verði skal ekki vera meira en 3,5%. Nýja Kaupþing/Saga Capital ber skyldu til að bjóða allt að 100.000 hluti á hverjum viðskiptadegi.

Samningunum er ætlað að auka viðskipti með hlutabréf Össurar í kauphöllinni á Íslandi og stuðla að skilvirkri og gegnsærri verðmyndun á hlutabréfum félagsins.







Mest lesið


Fleiri fréttir

Sjá meira


×

Mest lesið