Vildu tækla kreppuna beint

„Við völdum að tækla kreppuna beint frekar en að bíða átekta" sagði Gunnar Guðjónsson, forstjóri Opinna Kerfa, á fjármálaþingi Íslandsbanka sem haldið var í dag á Hótel Nordica.

Gunnar sagði frá reynslu fyrirtækisins við að takast á við ástandið sem ríkir í atvinnulífinu og hvernig tókst með samstilltu átaki starfsmanna og stjórnenda að lækka rekstrarkostnað um fjórðung um leið og starfsánægja jókst mælanlega.

„Sá sem fyrstur fer í gegnum breytingaferlið verður fljótastur að aðlagast nýjum veruleika og hleypur því hraðast þegar umhverfið réttir úr sér" sagði Gunnar. Þannig gæti fyrirtækið komist í gegnum niðursveiflu á markaði og verið í stakk búið að takast á við nánustu framtíð.