Massa fyrstur að aka 2009 bíl

Felipe Massa fær þann heiður að vera fyrstur ökumanna til að aka 2009 Formúlu 1 bíl eftir frumsýningu Ferrari á mánudaginn.

Þrjú keppnislið munu frumsýna bíla sína í næstu viku. Ferrari mun frumsýna bíl sinn og Massa mun síðan aka Firano brautina á 2009 bílnum sem er gjörbreyttur bíll frá liðnu ári, en nýjar reglur taka gildi í fyrsta móti ársins í mars. Toyota frumsýnir sinn bíl á fimmtudaginn í næstu viku og daginn eftir mun McLaren frumsýna sitt ökutæki.

Forráðamenn ýmissa keppnisliða hafa áhyggjur af KERS kerfinu sem verður hluti af nýjungum í Formúlu 1 bílum og talsmenn Ferrari segja að kostnaður við þróun kerfisins hafi verið óheyrilegur. Búnaðurinn færir ökumanni aukið afl til framúraksturs og nýtir kerfið afgangsorku bremsukerfisins við hemlun.

Sjá nánar