Viðskipti innlent

FME sendir Stím til ákæruvalds

Lárus Welding var bankastjóri þegar Glitnir lánaði Stím 19,6 milljarði.
Lárus Welding var bankastjóri þegar Glitnir lánaði Stím 19,6 milljarði.

Fjármálaeftirlitið mun vísa Stím-málinu til ákæruvalds samkvæmt Morgunblaðinu í morgun.

Morgunblaðið hefur heimildir fyrir því að rannsókn Fjármálaeftirlitsins á málefnum Stím verði vísað til ákæruvalds, þó er ekki ljóst hvort það muni enda inn á borði efnahagsbrotadeildar ríkislögreglustjóra eða sérstökum saksóknara.

Grunur leikur á að Stím hafi gerst sekt um markaðsmisnotkun. Félagið var skráð á nafn útgerðarmannsins Jakobs Valgeirs Flosasonar frá Bolungarvík. Í ljós kom að félagið var í meirihlutaeigu Glitnis sem sjálfur hafði lánað félaginu rúma nítján milljarði til þess að kaupa hluti í bankanum sjálfum fyrir 24,8 milljarði.

Þá kom ennfremur í ljós félagið hafði áður verið í eigu Pálma Haraldssonar í Fons. Glitnir bauð svo hópi manna að fjárfesta í félaginu en þeir þurfti eingöngu að leggja fram tíu prósent kaupverðsins til þess að vera með.

Stím málið var til rannsóknar hjá Fjármálaeftirlitinu haustið 2007. Ári síðar kom DV upp um málið sem varð til þess að rannsókn hófst að nýju.

Stím málið


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið