Byrjunarlið Íslands klárt - Margrét Lára og Sara Björk báðar leikfærar

Landsliðsþjálfarinn Sigurður Ragnar Eyjólfsson hefur tilkynnt byrjunarlið Íslands fyrir leikinn mikilvæga gegn Norður-Írlandi á morgun í undankeppni HM 2011 en leikið er ytra.

Margrét Lára Viðarsdóttir og Sara Björk Gunnarsdóttir eru báðar í byrjunarliðinu en þær voru tæpar fyrir leikinn.

Margrét Lára fór meidd af velli í tapleiknum gegn Frakklandi á dögunum og Sara Björk missti eimitt af þeim leik vegna flensu.

Byrjunarlið Íslands:

Markvörður: Þóra Helgadóttir

Hægri bakvörður: Sif Atladóttir

Vinstri bakvörður: Ólína G. Viðarsdóttir

Miðverðir: Katrín Jónsdóttir, fyrirliði og Erna Björk Sigurðardóttir

Tengiliðir: Edda Garðarsdóttir og Sara Björk Gunnarsdóttir

Sóknartengiliður: Dóra María Lárusdóttir

Hægri kantur: Rakel Hönnudóttir

Vinstri kantur: Hólmfríður Magnúsdóttir

Framherji: Margrét Lára Viðarsdóttir