Viðskipti innlent

Festu kaup á stærsta hvalaskoðunarskipi landsins

Hvalaskoðunarfyrirtækið Life of Whales (Hvalalíf ehf), sem starfað hefur í rúm 3 ár í Reykjavík, hefur nú fest kaup á farþegaskipi sem verður fyrst og fremst notað í hvalaskoðunarferðir. Skipið er það stærsta sem tekið hefur verið í slíka notkun hérlendis og markar tímamót fyrir ferðamenn sem leggja leið sína í hvalaskoðun.

Í tilkynningu segir að skipið hafi fengið nafnið ANDREA og getur tekið allt að 240 manns um borð. Stærð þess er 34 metrar á lengd og um 8 metrar á breidd.

"Skipið ANDREA er hið glæsilegasta með stílhreinu yfirbragði, góðum sölum, 5 salernum, stórum og löngum gluggum á báðum hæðum og miklu útsýnisrými á þilfari skipsins. Mögulegt verður að nýta skipið undir veislur, ýmsar uppákomur, árshátíðir, skemmtisiglingar og fleira," segir í tilkynningunni.



Skipið mun liggja við suðurbugt í Reykjavíkurhöfn.

Í tilkynningunni segir ennfremur að á undanförnum misserum hefur komum ferðamanna fjölgað jafnt og þétt til Íslands og áhugi þeirra á hvalaskoðun og skemmtisiglingum frá Reykjavíkurhöfn aukist umtalsvert.





Mest lesið


Fleiri fréttir

Sjá meira


×

Mest lesið