Fyrsti ráspóll Force India og Fisichella

Giancarlo Fisichella hjá Force India náði að landa fremsta stað á ráslínu á Spa brautinni í Belgíu í dag. Liðið er í eigu indverska milljarðamæringsins Vijay Mallay og um sannkölluð tímamót að ræða hjá liðinu sem notar Mercedes vélar.

"Ég átti alls ekki vona á að ná þessum árangri í tímatökunni og er eiginlega orðlaus, en menn hafa lagt hart að sér og þetta er uppskeran", sagði Fisichella sem er ítalskur.

Mikið hefur verið skrafað um að hann taki jafnvel sæti Luca Badoer hjá Ferrari í næsta móti, en hann segir hug sinn hjá Force India þar til annað komi í ljós. Þá er hann samningslaus fyrir næsta ár, eins og þrír fremstu menn í tímatökunni.

Jarno Trulli varð annar á Toyota og Nick Heidfeld á BMW, sem er að hætta í Formúlu 1. Rubens Barrochello á Brawn var fremstur þeirra sem keppa um meistaratitilinn, en Sebastian Vettel varð áttundi, Mark Webber níundi og forystumaður stigamótsins, Jenson Button er aðeins fjórtándi á ráslínu.

Bein útsending frá kappaksttrinum hefst kl. 11:30 á siunnudag á Stöð 2 Sport.

Sjá brautarlýsingu og aksturstíma ökumanna