Höfuðstöðvum B&L lokað - óvíst með uppsagnir

Höfuðstöðvum Bifreiða og landbúnaðarvéla á Grjóthálsi í Reykjavík verður lokað um þarnæstu mánaðamót og starfsemin flutt í húsakynni Ingvars Helgasonar við Sævarhöfða.  

Bæði félögin eru í eigu sömu aðila. Bílaumboðin Hyundai, BMW, Land Rover og Renault flytjast þar með undir sama þak og fimm önnur bílaumboð; Subaru, Nissan, Opel, Saab og Izusu.

Talsmaður fyrirtækjanna segir þetta gert vegna mikils samdráttar á bílasölu og verulegur sparnaður náist með þessum aðgerðum, en vill þó ekkert segja um hvort þetta þýði uppsagnir starfsfólks.