Byr bjargað á fundi með kröfuhöfum

Í tilkynningunni segir að fjallað var um forsendur fyrir því að stjórnvöld leggi nýtt stofnfé í Byr vegna fjárhagslegrar endurskipulagningar sparisjóðsins, sem ætlað er að tryggja að hann uppfylli skilyrði fyrir eiginfjár- og lausafjárstöðu og um rekstrarhæfi.

„Að mati ráðuneytisins náðist á fundinum mikilvægur áfangi í átt að endanlegu samkomulagi og að því að treysta varanlega fjárhagslegar stoðir Byrs," segir í tilkynningunni.

„Frekari viðræður við Byr og kröfuhafa um endanlega útfærslu á fyrirliggjandi lausn eru fyrirhugaðar í upphafi nýs árs."

Ennfremur segir að þetta sé í samræmi við markmið stjórnvalda um að styðja við endurskipulagningu sparisjóðakerfisins á Íslandi. Með lögum... var fjármálaráðuneytinu veitt heimild til að leggja sparisjóðum til nýtt stofnfé. Niðurstöðu varðandi aðra sparisjóði er að vænta á næstunni.