Uppboð tollstjóra á bílum, útilegubúnaði og veiðigræjum

Í tilkynningu segir að um er að ræða ótollafgreiddar vörur þar sem aðflutningsgjöld eru fallin í gjalddaga og kennir þar margra grasa. Bílaáhugamenn ættu að geta fundið eitthvað við sitt hæfi því auk bíla verða einnig boðnir upp bílavarahlutir, dekk og kerrur.

Þeir sem eru að byggja ættu líka að geta gert góð kaup því boðnir verða upp gluggar og gler, innréttingar, hurðir, húsbúnaður, timbur, skrúfur, boltar og prófílar. Einnig myndarammar, útilegubúnaður, veiðigræjur, skór og varahlutir í hjólhýsi, svo fátt eitt sé nefnt.

Sem fyrr segir fer uppboðið fram í Vörumiðstöð Samskipa, Kjalarvogi 7-15, hliði 33, og hefst kl. 12 á hádegi á laugardag. Greiða þarf varninginn við hamarshögg. Hvorki ávísanir né kreditkort eru tekin gild sem greiðsla, einungis debetkort og peningar.