Tveir úr leik vegna olnboga Dwight Howard

Orlando verður án tveggja byrjunarliðsmanna þegar liðið sækir Philadelphia heim í sjötta leik liðanna í úrslitakeppni NBA annað kvöld.

Aganefnd deildarinnar dæmdi miðherjann Dwight Howard í eins leiks bann í kvöld fyrir að gefa mótherja sínum Samuel Dalembert olnbogaskot í fimmta leik liðanna í gærkvöldi.

Þá er ljóst að nýliðinn Courtney Lee hjá Orlando getur heldur ekki spilað sjötta leikinn vegna meiðsla, því hann varð líka fyrir olnboga Howard félaga síns í leiknum og meiddist á auga.

Smelltu hér til að sjá atvikið og umfjöllun sem fylgdi í kjölfarið.