Morrison til LA Lakers

Los Angeles Lakers og Charlotte Bobcats gerðu með sér leikmannaskipti í NBA deildinni í kvöld. Lakers sendir framherjann Vladimir Radmanovic til Charlotte í skiptum fyrir Adam Morrison og Shannon Brown.

Radmanovich hefur ekki náð að festa sig í sessi undir stjórn Phil Jackson hjá Lakers og sömu sögu er að segja um Morrison undir stjórn Larry Brown hjá Charlotte.

Radmanovich er á sjöunda ári í deildinni og skilaði Lakers liðinu um sex stigum að meðaltali í leik. Hann hóf ferilinn hjá Seattle Supersonics.

Morrison var valinn númer þrjú í nýliðavalinu árið 2006. Hann hefur valdið vonbrigðum það sem af er í vetur eftir að hafa misst úr allt síðasta tímabil vegna meiðsla.