Microsoft mun segja upp 5.000 manns

Hugbúnaðarframleiðandinn Microsoft boðar niðurskurð um rúmlega fimm prósent af mannafla fyrirtækisins næstu 18 mánuðina. Það táknar að um það bil 5.000 manns fá uppsagnarbréf á tímabilinu og er þar jafnt um að ræða starfsfólk innan Bandaríkjanna sem utan, til dæmis er búist við að meira en helmingur uppsagnanna verði í Bretlandi. Fjármálastjóri Microsoft segir þetta óhjákvæmilegt vegna þess gríðarlega samdráttar sem nú er að koma fram í veltu hátæknifyrirtækja ýmiss konar.