Viðskipti erlent

Aston Martin dregur saman seglin

Atli Steinn Guðmundsson skrifar
Þeim fer fækkandi sem fjárfesta í gæðingi á borð við þennan rennilega Aston Martin.
Þeim fer fækkandi sem fjárfesta í gæðingi á borð við þennan rennilega Aston Martin.

Ekki er nóg með að HSBC-bankinn hafi tilkynnt um uppsagnir 500 breskra starfsmanna í gær heldur sér nú framleiðandi Aston Martin-sportbílanna nafntoguðu fram á að segja upp tæpum þriðjungi allra starfsmanna sinna í Bretlandi en þar starfa nú 1.800 manns.

Þessi staða hefði ekki þótt líkleg árið 2007 þegar Aston Martin setti sölumet en þá seldust 7.300 bílar. Fram á haust 2008 var einnig allt í lukkunnar velstandi en nú sjá stjórnendur fyrirtækisins fram á allmiklar breytingar á sölutölum fyrir árið 2009. Breska blaðið Telegraph hefur það eftir einum stjórnenda Aston Martin að varla nokkur maður kaupi sér nú bíl frá fyrirtækinu.





Mest lesið


Fleiri fréttir

Sjá meira


×

Mest lesið