Austurrískir bankar sagðir tapa 400 milljörðum á Íslandi

Gjaldþrot íslensku bankanna kemur verulega við kaunin á austruríska bankageiranum.

Samkvæmt frásögn í dagblaðinu Kurier í Austurríki námu lán og skuldbindingar Austurríkismanna í íslensku bönkunum um 400 milljörðum króna. Blaðið hefur þetta eftir heimildarmönnum sínum en talsmaður Fjármálaeftirlitsins í Austurríki vill ekki tjá sig um málið.

Vitað er að Erste Group Bank mun afskrifa um 70 milljarða kr. vegna lána til Íslands og UniCredit Bank mun afskrifa um 15 milljarða kr. Aðrir bankar hafa ekki gefið upp tap sitt.