Baugur neitar orðrómi um kaup á Williams

Forsvarsmenn Baugs hafa í samtali við Vísi vísað þeim fréttum á bug að félagið hafi keypt þriðjungshlut í keppnisliði Williams í Formúlunni.

Fréttirnar eru sagðar úr lausu lofti gripnar og að það sé rangt sem blaðamaður International Herald Tribune heldur fram að kaupin hafi verið frágengin.

Þetta er þó ekki í fyrsta sinn sem Baugur er sagt hafa keypt hlut í keppnisliði Williams en í byrjun desember héldu þýskir fjölmiðlar þessu sama fram.

Baugur hefur hins vegar verið styrktaraðili Williams-liðsins undanfarin ár í gegnum leikfangarisann Hamley's.