Fjárfestingarfyrirtæki Warren Buffet tilkynnir um gríðarlegt tap

Berkshire Hathaway, fjárfestingarfyrirtæki Warren Buffet, eins ríkasta manns veraldar tilkynnti um 77% samdrátt á þriðja ársfjórðungi þessa árs. Félagið tapaði rúmlega einum milljarði bandaríkjadollara á afleiðuviðskiptum og öðrum fjárfestingum auk slæmrar afkomu fyrirtækisins erlendis.

Félagið tilkynnti um hagnað upp á 1,06 milljarð dollara fjórða ársfjórðunginn í röð, en á sama tíma á síðasta ári var hagnaðurinn 4,55 milljarðar dollara þar sem svokallaður áunninn hagnaður vegna ábyrgða trygginga rekstursins féll um 83 prósent.

Í New York Times í gær sagði Buffet skýringanna helst að finna í skelfilegum efnahagshorfum og lýsti fjármálaheiminum sem hann væri í tómu tjóni.

„Ég hef verið að kaupa bandarísk hlutabréf. Þetta eru mínir persónulegir reikningar sem ég er að tala um, en áður hef ég einungis átt bandarísk ríkisskuldabréf. Ef verðið heldur áfram að vera spennandi, munu félög mín fyrir utan Berkshire vera samsett einungis úr bandarískum hlutabréfum," segir Buffet.

Þrátt fyrir að auðævi Buffets séu að mestu leyti bundin í Berkshire Hathaway, eru persónulegar fjárfestingar hans taldar fara upp um tugi, ef ekki hundruðir milljóna dollara.